ГУЛИСТАН АЙЫЛДЫК КЕҢЕШИНИН (VI ШАЙЛАНГАН)

КЕЗЕКТЕГИ XIII СЕССИЯСЫ

ТОКТОМ

15.08.2018-жыл      № XIII-1

«Гулистан айылдык аймагынын жергиликтүү жамаатынын Уставын» бекитүү жөнүндө

Кыргыз Республикасынын «Жергиликтүү өз алдынча башкаруу жөнүндө» мыйзамынын 15-беренесинин талаптарына ылайык, Ош облусунун Ноокат районунун Гулистан айылдык аймагынын жергиликтүү жамаатынын элдик жыйындарында жергиликтүү жамааттын Уставынын долбоорун талкуулап, жыйындарда жергиликтүү жамааттан, депуттардан түшкөн сын-пикир, сунуштарын эске алып, Гулистан айылдык кенешинин укук тартиби жана мыйзамдуулукту сактоо боюнча туруктуу комиссиясынын корутундусун угуп, Гулистан айылдык кенеши Кыргыз Республикасынын «Жергиликтүү өз алдынча башкаруу жөнүндө» Мыйзамынын 31-беренесинин 2-бөлүгүнүн 8-пунктуна таянып,

ТОКТОМ КЫЛАТ:

1. Тиркемедеги Гулистан айылдык аймагынын жергиликтүү жамаатынын Уставы бекитилсин.

2. Ушул токтом жана Гулистан айылдык аймагынын жергиликтүү жамаатынын Уставы Кыргыз Республикасынын Өкмөтүнө караштуу өз алдынча башкаруу иштери жана этностор аралык мамилелер боюнча мамлекеттик агенттигинин www.gamsumo.gov.kg веб-сайтына жарыялансын.

3. Ушул токтомду жана тиркемедеги жергиликтүү жамааттын Уставын расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Жазы айыл өкмөтүнө милдеттендирилсин.

4. Бул токтомдун аткарылышын көзөмөлдөө Гулистан айылдык кенешинин укук тартиби жана мыйзамдуулукту сактоо боюнча туруктуу комиссиясынын төрагасына милдеттендирилсин.

5. Бул токтом расмий жарыяланган күндөн баштап күчүнө кирет.

                   Гулистан айылдык кеңешинин төрагасы                                     Ташматов И.Х.

Ош облусунун Ноокат районунун Гулистан айылдык аймагынын жергиликтүү жамаатынын уставы